నాగార్జునతో రొమాన్స్‌కు కాజల్‌ గ్రీన్‌సిగ్నల్‌

టాలెంటెడ్ డైరెక్ట‌ర్‌ ప్ర‌వీణ్ స‌త్తారు ద‌ర్శ‌క‌త్వంలో శ్రీ వేంకటేశ్వర సినిమాస్ ఎల్ఎల్‌పి, నార్త్ స్టార్ ఎంటర్‌టైన్‌మెంట్ ప్రైవేట్ లిమిటెడ్ పతాకాలపై ప్ర‌ముఖ నిర్మాత‌లు నారాయణదాస్ నారంగ్, పుస్కూర్ రామ్మోహన్ రావు, శరత్ మరార్ ఓ భారీ యాక్ష‌న్ ఎంట‌ర్‌టైన‌ర్ చిత్రాన్ని రూపొందిస్తోన్న సంగ‌తి తెలిసిందే. ఈ స్టైలిష్ యాక్ష‌న్ ఫిలింలో కింగ్ నాగార్జున హీరోగా నటిసున్నారు. హీరోయిన్‌గా కాజ‌ల్ అగ‌ర్వాల్ న‌టిస్తున్న‌ట్లు అఫీషియ‌ల్ గా ప్ర‌క‌టిస్తూ.. నాగార్జున- ప్ర‌వీణ్ స‌త్తారు కాంబినేష‌న్‌లో రూపొందుతో‌న్న యాక్ష‌న్ డ్రామా‌లోకి కాజ‌ల్‌ను స్వాగ‌తిస్తున్నాం అని స్పెష‌ల్ పోస్ట‌ర్ ద్వారా అనౌన్స్ చేశారు మేక‌ర్స్. ఈ మూవీ షూటింగ్ గోవా, హైద‌రాబాద్‌, ఊటీ, లండ‌న్‌ల‌లో జర‌ప‌డానికి ప్లాన్ చేస్తోంది చిత్ర యూనిట్‌. ఈ సంద‌ర్భంగా..

హీరోయిన్ కాజల్ అగ‌ర్వాల్ మాట్లాడుతూ – ”టాలీవుడ్‌లో నాకు చాలా అద్భుతమైన స‌మ‌యం. నాగార్జున గారితో ఇది నా మొదటి సినిమా. ఇప్ప‌టివ‌ర‌కూ నా కెరీర్‌లో పోషించన‌టువంటి ఒక ప్ర‌త్యేక‌మైన పాత్ర‌ను ఈ సినిమాలో చేస్తున్నాను. నాకు చిన్నప్పటి నుంచి నాగార్జున గారు అంటే విపరీతమైన ఇష్టం. ఈ ప్రాజెక్ట్‌లో ఆయ‌న‌తో కలిసి పనిచేయడం సూప‌ర్ థ్రిల్లింగ్‌గా ఉంది“ అన్నారు. ‌

కింగ్ నాగార్జున, కాజ‌ల్ అగ‌ర్వాల్ మ‌రియు భారీతారాగ‌ణం న‌టిస్తోన్న ఈ చిత్రానికి
సినిమాటోగ్ర‌ఫి: ముఖేష్ జి,
యాక్ష‌న్: గ‌ణేష్ కె,
ఎగ్జిక్యూటివ్ ప్రొడ్యూస‌ర్: బోనీ జైన్‌,
ప్రొడక్ష‌న్ డిజైన‌ర్‌: జ‌య‌శ్రీ ల‌క్ష్మీ నారాయ‌న‌ణ్‌,
ఆర్ట్: ల‌క్ష్మి సిందూజ గ్రాందీ,
నిర్మాత‌లు: నారాయణదాస్ నారంగ్, పుస్కూర్ రామ్మోహన్ రావు, శరత్ మరార్,
ద‌ర్శ‌క‌త్వం: ప్ర‌వీణ్ స‌త్తారు.