is february sentiment workout for nithiin check movie, నితిన్ ‘చెక్’కి ఫిబ్రవరి సెంటిమెంట్ కలిసొస్తుందా?
యూత్ స్టార్ నితిన్ హీరోగా టాలెంటెడ్ దర్శకుడు చంద్రశేఖర్ ఏలేటి దర్శకత్వంలో భవ్య క్రియేషన్స్ పతాకంపై వి. ఆనంద్ ప్రసాద్ నిర్మిస్తున్న ‘చెక్’ చిత్రం విడుదల తేదీ ఖరారైంది. ఫిబ్రవరి 19న గ్రాండ్‌గా ఈ చిత్రాన్ని రిలీజ్ చేస్తున్నట్లుగా నిర్మాత వి. ఆనంద్ ప్రసాద్ ప్రకటించారు. ‘‘జైలు నేపథ్యంలో రూపొందిన యాక్షన్ థ్రిల్లర్ చిత్రమిది. ఈ మధ్యకాలంలో ఈ నేపథ్యంలో సినిమా రాలేదని ఖచ్చితంగా చెప్పగలను. ప్రేక్షకులకు కొత్త అనుభూతిని ఇచ్చే కాన్సెప్ట్ ఇది. ఓ ఉరిశిక్ష పడ్డ ఖైదీ చెస్ గేమ్ ద్వారా తన లక్ష్యాన్ని ఎలా చేరుకున్నాడన్నది ఈ చిత్ర ప్రధాన కథాంశం. ఆద్యంతం ఆసక్తికరంగా ఉంటుంది. నితిన్- చంద్రశేఖర్ ఏలేటి కాంబినేషన్ అనగానే ప్రేక్షకులు ఆశించే అంశాలన్నీ ఇందులో ఉంటాయి. ఇటీవల విడుదల చేసిన ఫస్ట్ గ్లింప్స్‌కి మంచి స్పందన లభించింది. ఇందులో కథానాయికలు రకుల్ ప్రీత్ సింగ్, ప్రియా ప్రకాష్ వారియర్ పాత్రలు కూడా చాలా ఆసక్తికరంగా ఉంటాయి. చంద్రశేఖర్ ఏలేటి ఈ చిత్రాన్ని తెరకెక్కించిన తీరు అందరినీ మెప్పిస్తుంది. చిత్రాన్ని ఫిబ్రవరి 19న గ్రాండ్‌గా విడుదల చేయబోతున్నాము..’’ అని నిర్మాత ఆనంద్ ప్రసాద్ తెలిపారు.
ఇక ‘చెక్’ మూవీ రిలీజ్ డేట్ ప్రకటించగానే.. నితిన్‌కి బాగా కలిసొచ్చిన ఫిబ్రవరి గుర్తు చేసుకుంటూ.. ఆయన అభిమానులు సంతోషం వ్యక్తం చేస్తున్నారు. ఎందుకంటే ఫిబ్రవరి నెలలో విడుదలైన నితిన్ చిత్రాలు బాక్సాఫీస్ వద్ద బ్లాక్‌బస్టర్ చిత్రాలుగా నిలిచాయి. నితిన్ కెరియర్‌లో గుర్తుండిపోయే చిత్రంగా నిలిచిన ‘ఇష్క్’, లాస్ట్ ఇయర్ ఫిబ్రవరిలో వచ్చిన ‘భీష్మ’ చిత్రాలు ఎటువంటి విజయాలు సాధించాయో తెలియంది కాదు. పైగా ఈ రెండు సినిమా టైటిల్స్ కూడా రెండక్షరాలతోనే ఉండటంతో.. ఇప్పుడు విడుదల కాబోతోన్న ‘చెక్’ కూడా రెండక్షరాలే కావడంతో.. సెంటిమెంట్ వర్కవుటయ్యి.. ఈ చిత్రం కూడా ఘన విజయం సాధిస్తుందని ఆయన అభిమానులు భావిస్తున్నారు. మరి ఈ సెంటిమెంట్ ఏ మేరకు వర్కవుట్ అవుతుందో తెలియాలంటే ఫిబ్రవరి 19 వరకు వెయిట్ చేయక తప్పదు.
నితిన్, రకుల్ ప్రీత్ సింగ్, ప్రియా ప్రకాష్ వారియర్, పోసాని కృష్ణ మురళి, మురళీ శర్మ, త్రిపురనేని సాయిచంద్, సంపత్ రాజ్, హర్షవర్ధన్, రోహిత్ పాథక్, సిమ్రాన్ చౌదరి తదితరులు నటించిన ఈ చిత్రానికి సంగీతం: కళ్యాణి మాలిక్, ఛాయాగ్రహణం: రాహుల్ శ్రీవాత్సవ్, ఆర్ట్: వివేక్అన్నామలై, ఎడిటింగ్: అనల్ అనిరుద్దన్, ఎగ్జిక్యూటివ్ నిర్మాత: అన్నే రవి, నిర్మాత: వి.ఆనంద ప్రసాద్, కథ-స్క్రీన్‌ప్లే-దర్శకత్వం: చంద్రశేఖర్ యేలేటి.
Bollineni Krishnaiah: భారతీయ నాగరికతలకు మూలమైన సంస్కృతిని, సంస్కృత భాషలోనున్న శాస్త్రాలని సంరక్షించుకోకపోతే రేపటి తరాలకు బలమైన పవిత్ర జీవన…
Sreemalika: నాలుగు వందల పేజీల పవిత్ర సంపద, అత్యద్భుతమైన దైవీయ చైతన్యం, అపురూపమైన రమణీయ వ్యాఖ్యానం, అపూర్వమైన పురాణేతిహాస కథా…
Manchu Manoj: రాకింగ్ స్టార్ మంచు మనోజ్ పుట్టినరోజు సందర్భంగా ఆయన హీరోగా చేస్తున్న కొత్త సినిమాను అఫీషియల్ గా…
Puranapanda Srinivas: పవిత్ర సంకల్పాలు బలంగా నెరవేరడానికి మహాగణపతి మంగళానుగ్రహం తప్పని సరిగా ఉండాలని, గణపతి ఆలయ దర్శనం, గణపతి…
తెలుగు సినిమా పరిశ్రమలో గత కొన్ని సంవత్సరాలుగా తన నటనా ప్రతిభతో ప్రేక్షకుల మనసులను ఆకర్షిస్తున్నారు శివాజీ. ఇటీవల విడుదలైన…
మ్యాన్ ఆఫ్ మాసెస్ ఎన్టీఆర్.. ప్రపంచ వ్యాప్తంగా ఈయనకున్న మాస్ క్రేజ్ గురించి ప్రత్యేకంగా చెప్పనక్కర్లేదు. ఈయన కెజియఫ్, సలార్…