మేఘ ఆకాష్, అరుణ్ ఆదిత్, అర్జున్ సోమయాజులు ప్రధాన పాత్రల్లో నటిస్తున్న చిత్రం ‘డియర్ మేఘ’. వేదాన్ష్ క్రియేటివ్ వర్క్స్, సోరింగ్ ఎలిఫెంట్ ఫిలిమ్స్ సంయుక్తంగా నిర్మిస్తున్న ఈ చిత్రానికి అర్జున్ దాస్యన్ నిర్మాత. యంగ్ ఫిల్మ్ మేకర్ సుశాంత్ రెడ్డి దర్శకత్వం వహించారు. ఓ అందమైన, ఆసక్తికరమైన ప్రేమకథగా ‘డియర్ మేఘ’ చిత్రాన్ని తెరకెక్కిస్తున్నారు దర్శకుడు ఎ సుశాంత్ రెడ్డి.
‘డియర్ మేఘ’ ఫస్ట్ లుక్ పోస్టర్ను గురువారం, ఫిబ్రవరి 4వ తేదీన ఉదయం 9.01 నిమిషాలకు రిలీజ్ చేశారు. భల్లాలదేవ రానా దగ్గుబాటి ఫస్ట్ లుక్ను విడుదల చేశారు. మక్కల్ సెల్వన్ విజయ్ సేతుపతి ఫస్ట్ లుక్ మోషన్ పోస్టర్ రిలీజ్ చేశారు. ప్రముఖ దర్శకుడు గౌతమ్ వాసుదేవ్ మీనన్ కూడా తన సోషల్ మీడియాలో ఈ ఫస్ట్ లుక్ను రిలీజ్ చేశారు. హీరోలు రానా, విజయ్ సేతుపతి, దర్శకుడు గౌతమ్ వాసుదేవ్ మీనన్ చిత్ర బృందానికి శుభాకాంక్షలు తెలియజేశారు.
ఫస్ట్ లుక్ పోస్టర్ చూస్తే.. మేఘ ఆకాష్ ఉద్వేగంగా ఉన్నట్లు తెలుస్తోంది. ఆమె ఒక కంటిలో నుంచి కన్నీరు రావడం కనిపిస్తోంది. సినిమాలో మేఘ ఆకాష్ పాత్ర కీలకంగా ఉన్నట్లు, కథను నడిపే డ్రైవింగ్ ఫోర్స్ గా ఆమె ఫర్మార్మెన్స్ ఉంటుందని అనుకోవచ్చు. ఆమె కన్నీటికి కారణం ఎవరు, ఈ ఉద్వేగ పరిస్థితి ఎందుకొచ్చింది అనేది ‘డియర్ మేఘ’ సినిమాలో తెలియనుంది.
ప్రస్తుతం చిత్రీకరణ తుది దశలో ఉన్న ఈ చిత్రానికి పోస్ట్ ప్రొడక్షన్ కార్యక్రమాలు పూర్తి చేసి త్వరలోనే ప్రేక్షకుల ముందుకు తీసుకొస్తామని చిత్ర దర్శకనిర్మాతలు తెలిపారు. ఈ చిత్రానికి సంగీతం: హరి గౌర, సినిమాటోగ్రాఫర్: ఐ ఆండ్రూ, ఎడిటర్: ప్రవీణ్ పూడి, ఆర్ట్ డైరెక్టర్: పీఎస్ వర్మ, పీఆర్వో: జీఎస్కే మీడియా, నిర్మాత: అర్జున్ దాస్యన్, రచన, దర్శకత్వం: సుశాంత్ రెడ్డి.