మాటీవీలో ప్రసారమయిన బిగ్ బాస్ పోగ్రామ్ ఇప్పటికి 4 సీజన్స్ కంప్లీట్ చేసుకుంది. మొదటి సీజన్ కి ఎన్టీఆర్ హోస్ట్ గా వ్యవహరించారు. బిగ్ బాస్ సీజన్ 4 కి నాగార్జున హోస్ట్ గా వ్యవహరించిన ఈ పోగ్రాంలో గ్రాండ్ ఫినాలేలో విన్నర్ గా నిలిచి మెగాస్టార్ చిరంజీవి చేతుల మీదుగా ప్రైజ్ మనీని అందుకున్న వ్యక్తి అభిజిత్. అయితే బిగ్ బాస్ 4 విన్నర్ కి ఆ షో హోస్ట్ అయిన నాగ్ ఓ బంపర్ ఆఫర్ ఇచ్చాడని తెలుస్తుంది.
తాజాగా అందుతున్న సమాచారం ప్రకారం అభిజిత్ కి కింగ్ నాగార్జున ఒక బంపర్ ఆఫర్ ఇచ్చాడని, ఇప్పటి వరకు ఎవరికీ నాగార్జున అటువంటి ఆఫర్ ఇవ్వడం అనేది జరగలేదని అంటున్నారు. అదేమిటంటే… అన్నపూర్ణ స్టూడియోస్ ద్వారా రాబోయే ఒక 3 సినిమాలలో నటించేందుకు అభిజిత్ తో అగ్రిమెంట్ పై సంతకాలు చేయించుకున్నట్లు తెలుస్తోంది. అలాగే మిగతా కంటెస్టెంట్స్ లో సోహెల్, మెహబూబ్ లను టివి షోస్ ద్వారా పరిచయం చేయనున్నారట.
ప్రముఖ డైరెక్టర్ చేతుల మీదుగా అభిజిత్ తో నాగ్ నిర్మించే మొదటి చిత్రం ఉండబోతోందని తెలుస్తోంది. ఆ డైరెక్టర్ ఎవరనేది త్వరలోనే తెలియనుంది. నాగార్జున అన్నపూర్ణ స్టూడియో బ్యానర్ లో రాబోయే మరో రెండు చిత్రాల వివరాలు గురించి తెలియాల్సి ఉంది. ఇంతలో అభిజీత్ కొన్ని వెబ్ సిరీస్ కోసం చర్చలు జరుపుతున్నట్లు సమచారం. ఇదిలా ఉంటే నాగార్జున నటించిన చిత్రం వైల్డ్ డాగ్ చిత్రం మరికొన్ని రోజుల్లో రిలీజ్ కానుంది.
