Friday, April 4, 2025

మరో హీరోయిన్‌కి తంబీలు.. గుడి కట్టేశారు

Nidhhi Agerwal Temple: హీరోయిన్లు అంటే అభిమానం ఉండడం అనేది సహజం. అభిమానం ఉంటే ఆమె పుట్టిన రోజున కేక్ కట్ చేసి, పార్టీలు చేసుకోవడం అనేది కూడా సర్వ సాధారణం. కానీ వీరి అభిమానం మాత్రం కట్టలు తెంచుకుంది అంటే అతిశయోక్తి కాదు. అసలు విషయంలోకి వెళితే హీరోయిన్ మీద అభిమానంతో ఏకంగా ఒక విగ్రహం చేయించి గుడి కట్టేశారు అభిమానులు. ఆమె విగ్రహానికి పాలాభిషేకాలు, ఆ విగ్రహం ముందు కేక్ కటింగ్ చేయడం, ఆమెకి ధూప, దీప, నైవేద్యాలు, హారతి కూడా సమర్పించుకున్నారు. ఇంతకీ ఆ హీరోయిన్ ఎవరని అనుకుంటున్నారు కదా.. సవ్యసాచి, ఇస్మార్ట్ శంకర్, మిస్టర్‌ మజ్ను సినిమాలలో నటించిన నిధి అగర్వాల్. తనకి గుడి కట్టారని తెలిసిన ఆ భామకి.. షాక్ నుండి తేరుకోవడానికి చాలా సమయమే పట్టిందట.

తమిళ తంబీలకు నచ్చిన వారికి గుడి కట్టడం తమిళనాడులో సాధారణ విషయమే. ఇంతకుముందు ఖుష్బూ, నమిత, హన్సికలకు కూడా వారు ఇలాగే గుడి కట్టి ఆరాధించారు. ఇప్పుడు వారి లిస్ట్‌లోకి ఇస్మార్ట్ బ్యూటీ నిధి అగర్వాల్‌ కూడా చేరింది. కనీసం స్టార్ హీరోయిన్ స్థాయికి చేరుకోక ముందే ఇలా అభిమానులు గుడి కట్టడం చూస్తుంటే.. ఎలా వారికి కృతజ్ఞతలు చెప్పుకోవాలో తెలియడం లేదంటుంది నిధి. ఇదంతా కూడా చెన్నైలో జరిగింది. ఈ భామ తమిళంలో నటించింది కేవలం రెండు సినిమాలే అయినప్పటికీ అభిమానులు ఇలా గుడి కట్టడం అనేది చెప్పుకోవాల్సిన విషయమే మరి.

మాములుగా అయితే తమిళ తంబీలకు బొద్దుగుమ్మలంటే బాగా ఇష్టం. అందుకే ఇప్పటి వరకు వారు గుడి కట్టిన లిస్ట్‌లో బొద్దుగుమ్మలే ఉన్నారు. తొలిసారి వారు బక్కబలిచిన భామకు గుడి కట్టడం విశేషం. సన్నగా ఉంటేనేమీ.. నిధిలో అందాల నిధి ఏమైనా తక్కువ ఉందా? ఆ నిధికే పడిపోయారు తంబీలు. ఈ వార్తతో ఇప్పుడు నిధి అగర్వాల్‌ పేరు సోషల్‌ మీడియాలో ట్రెండ్‌ అవుతోంది.

0 0 votes
Article Rating
Subscribe
Notify of
guest
0 Comments
Most Voted
Newest Oldest
Inline Feedbacks
View all comments

Related Articles

Social Share

2,894FansLike
4,583FollowersFollow
8,907FollowersFollow
3,457FollowersFollow
2,267FollowersFollow
6,786SubscribersSubscribe
- Advertisement -
0
Would love your thoughts, please comment.x
()
x